Collado de Linza lepora mendiko eskiekin. Ibilbidea 360º eta EB-n

Collado de Linza lepoa (berezko toponimia errespetatuz), Paquiza de Linzolaren HEko magalaren oinean kokatzen da. Bertan Hiru Erregeen Mahaia, Petrechema edota Pakiza bera igotzeko bide nagusiak elkartzen dira.

Refugio de Linzako aterpea sarbide, igoera erraza daukan bidea dugu eta lehen aipaturiko Petrechema edota Pakiza mendien gainak pare bat ordutan betetzea ahalbidetzen gaitu, bestelako zailtasunik gabe. Bi txango hauek goiz batetan egiteko aproposak dira, bai oinez, korriketan, eskiak jantzita edota mendiko bizikletan, “ziklo-alpinistentzat”.

INFORMAZIO BALIOGARRIA

meteoblue

ELUR-BULETINA

TRACK-A DESKARGATU

NOLA IRITSI

ZAILTASUNA ETA ARRISKU MAILA

Método de Información de Excursiones (MIDE)

MIDE metodoa, mendiko ibilbideen zailtasun- eta arrisku-maila baloratzeko metodo bat da, eta Federación de Deportes de Montaña y Escalada-k (FEDME) gomendatutakoa dugu honakoa, beste federazio batzuen artean. Istripuen prebentzioa du helburu, ibilbideen eskakizun tekniko eta fisikoaren irizpideak bateratuz. Horrela, horien sailkapen objektiboagoa lortzen da.

Informazio-koadro bakoitzak bi zutabe ditu: ezkerrekoak ibilbidearen erreferentziazko informazioa du, hala nola ordutegia, desnibelak, distantzia, etab. Bestalde, eskuineko zutabean ibilbidearen zailtasunaren hainbat alderdiri buruzko informazioa agertzen da. Balioespen-eskala 1etik 5era neurtzen da (txikienetik handienera).

Metodo horrek oinarrizko informazioa ematen du ingurune aldakor batean; beraz, kontuan izan behar dugu lurraren baldintzak nabarmen alda daitezkeela. Horregatik, abiatu aurretik ibilbidearen egoera kontsultatzea gomendatzen da beti.

IBILBIDEAREN DIAGRAMA

IBILBIDEAREN TRACK-A AZTERTU EZAZU

Diagrama track-arekin sinkronizatzen da, desnibelek ibilbidean zehar izan duten bilakaera aztertzeko.
Aukeratu track-eko edozein puntu mapan, eta diagraman proiektatuta ikusi ahal izango duzu.
Egin klik erreferentzia-puntuen gainean, horiek ezagutzeko eta kanpoko mapa batean kokatzeko.

Refugio de Linza - Sobrante de Linza

HASIERA LASAIA

Aurrez aurre jarriz gero, aterpearen eskuinaldean dagoen zubia igaro ondoren hasiera ematen diogu ibilbideari. Linza inguruko aparkalekua atzean utzi eta IE norabidea hartzen dugu Sobrante de Linza muinoaren mazelan emeki gora eginez. Laster batean Sobrante de Linza inguruko zelaia babestu eta era berean zirku txikia osatzen duen goragunera iristen gara.

Goragunea ekialdetik inguratu eta zelaira iristen gara Sobranteko hegala iparrerantz zeharkatzen dugun heinean, erreka eskuinean utziz. Errekaren eskuinaldean bide ondoan dauden trikuharria eta iruinarria ikusi ditzakegu. Aurrerago, Paquiza mendiaren hego-mazelaren oinean bertan kokatzen den iturrian ura hartu dezakegu. Errekaren ezkerraldean berriz, bidetik 300 bat metrotara Cabaña de Linza edota Cabaña de Petrechema deritzon etxola aurkitu dezakegu eta metro batzuk urrutiago, beste iturri bat.

Bideak erreka gurutzatu eta ekialderantz igo eta Pakiza mendiaren hego-mazelan diagonal bat marrazten duen ageriko aldapa batetik gora egiten du.

Sobrante de Linza - Collado de Linza

BIDEGURUTZEA

Ekialderantz zabaltzen den erlaitz zabalean zehar gorantz jarraitzen dugu, norabidea mantenduz. Maldak oraingoan aurreko lausotasuna galdu eta malkartzen hasten da metroak irabazten ditugun heinean. Aldaparik handiena daukan eremua etxolaren bertikala iragan dugunean topatzen dugu, bideak “Z” bat egiten duen tokian. Ipar-ekialderantz jarraitzen dugu, harkaitz-zerrenda baten azpian kokatu arte, eta haren oinarria eskuineko aldera jarraitzen duen ageriko korridore eroso batetik zeharkatzen dugu.

Pasarteak hegala zeharkatu eta terraza zabal batetan uzten gaitu. Bertatik, aurrez aurre agertzen den tontorrerantz egiten dugu, bere oina eskuineko aldetik inguratzeko.

Badira mapa batzuek oker erakusten dute Collado de Linza lepoaren kokapena, aipatutako tontorraren eta Paquiza mendiaren hegoaldeko mendi-hegalaren artean alegia. Ageriko bidea jarraituz, punta ekialdetik inguratu eta berriro ere IE norabidea hartzen dugu, azkenik Collado de Linza lepora iristeko. Bertan, gune hau eta bide batez, bidegurutzea ofizialki egiten den zutoina topatzen ditugu.