Beriain Lizarragako Bentatik. MTB bidea 360º eta Errealitate Birtualean

San Donato izenarekin ere ezaguna dugu Beriain, gailurretik gertu kokatzen den baselizaren izena dela eta. Honakoa, Nafarroako mendien artean ikusgarrienetakoa dugu. Sakana ingurutik begiratuta, zeharkatu ezineko 1000m-ko hormatzarrez eraikitako piramide baten itsura hartzen du.

Piramidearen gaina Beriainpunta edo Ihurbain mendiari dagokio, Beriain mendiaren gailurra honen atzetik, HErantz kilometro batetara egonda. Mendilerroa zintzilikatutako sinklinal batek osatzen du, hain bereizgarria den alderantzikatutako erliebe, eta bide batez, itsasontzi baten bizkarraren tankera emanez. Horregatik mendilerroaren bukaerari Beriaingo Proa ere izendatu ohi zaio.

Mendilerroaren ekialdetik eta Urbasako sarbidetik, ordea, atseginagoa den profil bat aurkezten du Beriain mendiak, metroak modu lasaiago batetan pilatuz. Ibilbidearen zatirik handiena, bizikletaren gainean ibiltzeko erreza den pista batetik egiten da. Behin pistatik at, bidea argi ikus daiteke eta mugarriak jarraitzea besterik ez dago mendi-bide batetik bestera iragateko.

Zailtasun gutxiko bidea dugu, soilik ia bukaeran harritsuak izateagatik teknikoagoak diren bi zati labur topatuko ditugu. Bestetik, baselizara eramaten duen pasartean bizikleta bultzatu egin beharko dugu ziurrenik.

Honakoa ibilbide gomendagarria dugu erabat, bizikletaren gainean ia %100ean egitekoa, erraza eta Nafarroako mendirik ederrenetakoan.

INFORMAZIO BALIOGARRIA

meteoblue

ELUR-BULETINA

TRACK-A DESKARGATU

NOLA IRTSI

ZAILTASUNA ETA ARRISKU MAILA

Método de Información de Excursiones (MIDE)

MIDE metodoa, mendiko ibilbideen zailtasun- eta arrisku-maila baloratzeko metodo bat da, eta Federación de Deportes de Montaña y Escalada-k (FEDME) gomendatutakoa dugu honakoa, beste federazio batzuen artean. Istripuen prebentzioa du helburu, ibilbideen eskakizun tekniko eta fisikoaren irizpideak bateratuz. Horrela, horien sailkapen objektiboagoa lortzen da.

Informazio-koadro bakoitzak bi zutabe ditu: ezkerrekoak ibilbidearen erreferentziazko informazioa du, hala nola ordutegia, desnibelak, distantzia, etab. Bestalde, eskuineko zutabean ibilbidearen zailtasunaren hainbat alderdiri buruzko informazioa agertzen da. Balioespen-eskala 1etik 5era neurtzen da (txikienetik handienera).

Metodo horrek oinarrizko informazioa ematen du ingurune aldakor batean; beraz, kontuan izan behar dugu lurraren baldintzak nabarmen alda daitezkeela. Horregatik, abiatu aurretik ibilbidearen egoera kontsultatzea gomendatzen da beti.

IBILBIDEAREN DIAGRAMA

IBILBIDEAREN TRACK-A AZTERTU EZAZU

Diagrama track-arekin sinkronizatzen da, desnibelek ibilbidean zehar izan duten bilakaera aztertzeko.
Aukeratu track-eko edozein puntu mapan, eta diagraman proiektatuta ikusi ahal izango duzu.
Egin klik erreferentzia-puntuen gainean, horiek ezagutzeko eta kanpoko mapa batean kokatzeko.

IBILBIDEAREN DESKRIBAPENA

Lizarraga - Zuloako Putzua

HASIERA GORENA

Lizarragako Bentako aparkalekutik Beriain mendirantz abiatzen gara, errepidea gurutzatu eta Ekialderantz doan pista hartuz. Harrobirantz doan bidea hartzen dugu eta berehala eskuinera egiten dugu hormigoizko bide aldapatsutik gora. Aurretik zuzenagoa den beste pista bat ere hartu daiteke, guk grabaketa egiterako orduan hartu duguna, baina hartxintxarra oso aske izateagatik trakzioa galtzea oso erraza da.

Hasierako aldapa bortitz honek hartu beharreko hartxintxarrezko pistara zuzen eramaten gaitu. Pistatik aurrera jarraitzen dugu lautadan barrena eta Sarasako Putzuaren ondoren bidegurutze bat topatzen dugu. Eskuinetik jotzen dugu, posteen bidez seinaleztatutako pista nagusia jarraituz, E norabidean.

Pistaren hasierako puntutik sei bat kilometrotara, bideak iparrera egiten du aldapan behera, Zuloako Putzurantz.

Zuloako Putzua - Altzemear

PISTAREN BUKAERAREN BILA

Zuloako Putzutik aurrera bideak gora egiten du nabarmenki, lapiazean barrena murgiltzen gaituen IMranzko aldapa medio. Ekialderantz jarraituz, metro gutxi batzuk galdu ondoren, berriro gora egiten dugu, IM norabidea berreskuratuz eta pista galdu arte jarraitzen dugu. Bidea oraingoan ere agerikoa dugu, baina harritsuagoa. Bertatik jarraitzen dugu IM norabidea mantenduz Altzeamar ingurura iritsi arte.

Puntu horretatik aurrera, bidea bidezidor edo gurtarraso gisa agertu eta desagertuko da tartearen arabera, eta trantsizio guneetan mugarriak jarraitu beharko ditugu pasarterik egokienak bilatzeko.

Altzemear - Uharteko Goi Mendatea

EUSKAL HERRIAREN ERDIGUNEA

Ezkerretara utzi dugun borda erreferentzia bezala hartzen dugu eta Ezpeletatik aurrera jarraitzen dugu IM norabidea mantenduz, iturria (gure kokalekutik 300 bat metrotara) eskuin aldean utziz.

Bitxikeri bezala, aipatu beharra dago Euskal Herriaren erdigune geografikoa ibilbidetik metro batzuetara soilik kokatzen dela. Honakoa Felix Isasa ingeniariak kalkulatu zuen, eta puntu zehatza buzoi bat eta hainbat zirkulu zentrokideek markatzen dute. Zehazki, bidetik ezkerretara 120 metrotara kokatzen da, Olibesarioko soroiko sakonune batetan.

Amorroko gainaren oina zeharkatzen duen bidetik gora egiten dugu, aurretik hartutako norabidea mantenduz mendilerroa estutzen doan heinean. Goragune bat eskuinaldetik inguratzen dugu mendilerroaren ertzetik gertu eta Uharteko Goi Mendatearen ingurura iristen gara. Azken hau goragunearen oinean kokatzen da, gure ezkerretara. Bideak zuzen jarraitzen du.

Uharteko Goi Mendatea - Beriain

BERIAIN MENDIAREN AZKEN TXANPA

Belardia alderik alde zeharkatzen duen mendi-bidetik jarraitzen dugu, goi-ordokiaren ertzetik gertu. Bideak ezkerretara dauden muinoen gora beherakoak saihesten ditu, igoera atseginagoa eta iraunkorragoa eginez.

Bat batean, mendilerroaren “u” itxura desagertu egiten da estugune batetan, eta harriak modu nabarmenean azaleratzen dira. Bailara bertan bukatu eta goi-lautada argi sumatzen dugu bertan. Begien aurrean zabaltzen zaiguna liluragarria da benetan. Orain bai, Beriain mendiaren gailurra aurrez aurre dugu.

Galtzeko arriskurik gabe, metro batzuk galtzen ditugu gailurrerako bidean zuzen jarraituz, azken aldaparen bila.

Behar adina teknika ez dugunontzat, gurpila behar ez den lekuan sartzeko aukera anitz eskeintzen dituen trialera xume batzuk igarotzen ditugu. Pixka bat aurrera egin eta Uhartetik datorren bidearekin bat egiten dugu bidegurutzean. Norabideari eutsiz, goranzko bidea jarraitzen dugu, tarteka agertzen diren elur zatiak inguratuz, baselizaren oinera iristen garen arte.

Azken irtengunea zeharkatzeko bizikleta lepoan hartzen dugu eta baselizaren aurrean IIE norabidera bira egiten dugu Berian mendiaren gailurrerako azken metroak oinpekoei eraginez burutzeko.